بقلم : الناشطة فاطمة ابو دلو
وكالة سباي سات - الاخباري - على طول شهر ديسمبر هو الشهر المفضل بالنسبة إلي ويمكن السلام النفسي يلي بحسو فيه ما بحسو طول شهور السنة الباقية ..
مو لأنو "الغائب الأحب إلى قلبك سيعود في أحد ليالي ديسمبر " !
ولا لأنو "شهر الوقوع بالحب " ..
ولا كمان لأنو "في ديسمبر تتحقق جميع الأحلام"
بيعنيلي لأنو هو شهر "التصفية "
لكل المشاعر والأفكار والناس يلي اتحملتهم سنة كاملة وصار وقت إنو ما ينتقلوا معي لسنة جديدة منهم لأنو ما بيستاهل ومنهم لأنو أخد وقتو وزيادة
لهيك يا صديقي كل شهور السنة لتوقع بالحب والأحلام بتتحقق بكل وقت والغائب الأحب ما بصير يرجع ..
إعملوا تصفية وانتقلوا ع سنة جديدة بشوية ناس وأفكار ومشاعر .. والباقي حمل تقيل خليه بمكانو وامشي ..
